Menu

Aktiviteite

De Sjo


Liedjesaovindj


De Liedjesaovindj 2018 woor ein sukses. Veur bedanke alle artieste, 't publiek en de miense die höbbe gehólpe óm hiej eine sjone aovindj van te make. De oetsjlaag van de Liedjesaovindj 2018:
1e plaats: De Zjwamer Aad-Prinse
2e plaats: Note Allergie
3e plaats: No Cleem

De Vois van Zjwame is gewónne door De Fobmötse. De Zjwamer Föbkes höbbe häöre titel weite te verdedige en höbbe in de kattegerie De Vois Kids gewónne!

De liedjes van de winners zin binnekórt hiej te beloestere.

De Liedjesaovindj 2019 zal plaatsvinje in jannewarie 2019. Dit i.v.m. 't LKZH det door ós vrunj van Kiek Mer waert georganizeerd.

Wilt geur mitdoon, gaef uch den op biej Peter Trepels, peter.tr@ziggo.nl. Wilt geur gaer mitdoon, mer kómp geur d'r neet oet mit teks of meziek, laot 't ós den ouch efkes weite. Veur kènne uch mesjien wiejer helpe.

Optoch


't Insjrieve veur de Zjwamer Optoch 2018 is neet meer meugelik. Veur de deilnummers: vergaet neet eur nummerke op te haole op vastelaoveszónjig 11 fibberwarie tösse 10.30 oer en 12.00 oer biej Thijs en Wilma.

De optoch sjtart op vastelaovesmaondjig óm 13.30 oer oppe Hertogdom Gelresingel. Deilnummers kónne zich óm 13.00 oer opsjtèlle.
De route: Hert.Gelresingel - Meulewaeg - Bossjtraot - Riekswaeg Nrd. - Neersjtraot - Hoogsjtraot - Mertsjtraot - Mert - Bröksjtraot - Kroppesjtraot - Sjlabberskamp - Wilhelminalaan - Jullianasjtraot - Bröksjtraot en veur sjloete aaf oppe Mert, wo ouch de priesoetreiking zal zin.

Veur wille de deilnummers mit eine wage dringend verzeuke óm, biej aankóms oppe Mert, dees zo sjnel meugelik via "in de Häöfkes" te verlaote en de Mert vriej te haje!! Dit inverbandj mit de verkeersveiligheid. De Mertsjtraot zal ouch vriej mótte blieve es kalimiteite route!!
Verder wille veur alle miense die aan de optochroute wone wille verzeuke häöre auto tiedelik neet oppe sjtraot te wille parkere, dit óm de optoch eine vrieje doorgank te beje en de kans op óngelökke te verkleine.

Höb geur vraoge? Num den kóntak mit ós op via optocht@hopsjlokkers.nl.

't Zjwamer Optoch Kómmitee
-ZOK-

Kuulköpkes Verkoup


Vanaaf zaoterdig 20 jannewarie kómme veur weer hoes aan hoes veur de verkoup van de Kuulköpkes. Oppe Boekoel kómme veur op goonsdig 31 jannewarie. De pries veur ein Kuulköpke kump op € 4,00. Ouch zin de Kuulköpkes te koup biej Van Heijster Kantoor/Boekado aan de Hoogsjtraot en biej Bekkeriej Schreurs aan de Riekswaeg.

Veur zin altied op zeuk nao sjoon verhaole of foto's veur in 't Kuulköpke. Egaal of 't nag 11 maondj doert veurdet 't vastelaovindj is, es uch get invèlt, meel 't nao kuulkopke@hopsjlokkers.nl. Waem wèt sjteit uch sjtök de vólgende keer in 't Kuulköpke.