Menu

Akteweel

Nuutjs


Prins Flor II

 

14 jannewarie 2018

Hiej is den ózze enige echte nuje hoogheid: Prins Flor II! Veur kènne ’m ónger angere van ’t initiatief "Road to Kumi", es nuuj besjtuurslid van KVW, mer veural es echte Zjwamer vastelaovesgek! Doe moogs de Hopsjlokkers dit jaor veurgaon en mit dien vastelaoveshert de vastelaovindj in Zjwame oetdrage! Perfisiat, ouch aan dien adjudantje Kai en Bair Custers! Det kèn op ’n tegelke!

Bekiek hiej de grotere verzie van de foto

Prins Remco I

 

13 jannewarie 2018

Op zaoterdig 13 jannewarie is in ’t Fobmötsepelies Prins Remco I oetgerope! ’t Zjwaemke haaj al eine flater gesjlage door al eerder oppe dag ein berich te plaatse, mer det móch de pret neet drökke! ’t Woor sjtampvól en Remco ging d’r same mit zien adjes Robbert en Silas vanaaf de eerste menuut vól taenge aan! Neet óm kiepe en doorgaon! Vanoet de Hopsjlokkers van herte perfisiat!

Bekiek hiej de grotere verzie van de foto

Prins Bart I

 

07 jannewarie 2018

Op zaoterdig 6 jannewarie is Prins Bart I (Bart Munnichs) in eine vólle Kwekkertepoel oetgerope toet de nuje Prins van de Kwekkerte oet Boekoel! Es Kwekkert mit al heel get jaore ervaring moog hae ’t dit sezoen gaon make mit alle Kwekkerte en Kwekkerinne. Det duit hae mit zien adjudante Sjoerd en Rochér en natuurlik ouch mit zien maedje Kelly en ziene zoon Dax. Veur winse ’t ganse gezelsjap van herte perfisiat!

Bekiek hiej de grotere verzie van de foto

Bacchus JvC I

 

06 jannewarie 2018

Op vriedig 5 jannewarie is in ein heit, drök en gezellig Kesjotje de nuje Bacchus van 2018 oetgerope. Wie de sjpanning óm te sjnieje woor, kwoom de nuje Bacchus van achter oet de zaal nao veur. Ein lank gesjtalte baande zich eine waeg door de zaal en ónger die kap kwoom nemes minder den Bacchus JvC I (Juul van Cruchten). Bacchus Juul leut dit jaor de latte ligke en geit pilskes atte! Det same mit zien drie adjes. Veur winse Bacchus JvC I van herte perfisiat!

Bekiek hiej de grotere verzie van de foto

Boerebroedspaar 2018

 

27 november 2017

Op zónjig 26 november is ’t nuje Boerebroedspaar oetgerope in De Mert. Anja en Leon Lankes kwome, nao versjillende tips van de bode, teveursjien oet de sjiethuuskes! Anja en Leon zitte zich al jaore in veur De Erpelkes wo ze al versjillende hooghede höbbe óngersjteund óm good de dólle daag door te kómme. Dit keer sjtaon ze zelf in ’t middelpuntj same mit de res van ’t gezelsjap. Veur winse Anja, Leon en alle angere hoofrolsjpelers van herte perfisiat!

Bekiek hiej de grotere verzie van de foto

Oetsjlaag Liedjesaovindj 2018

 

23 november 2017

Op zaoterdig 18 november höbbe veur weer eine gezellige liedjesaovindj gehad mit mer leefs 9 deilnummers. De Zjwamer Liedjesaovindj is gewónne door de Zjwamer Aad-Prinse mit häör nummer "Zes keer Elf"! De Vois Kids is gewónne door de Zjwamer Föbkes, eine sjone groep kinjer dae waal eder jaor grótter liek te waere! De Vois van Zjwame is gewónne door De Fobmötse (den weit geur ouch wo die Zjwamer Föbkes ’t van lere)! De tweede plaats oppe liedjesaovindj is gehaold door Note Allergie. No Cleem ging d’r mit de derde plaats van door. Veur bedanke ederein dae haet biejgedrage aan deze sjone aovindj!

Bekiek hiej de grotere verzie van de foto

Mulder Marc I

 

13 november 2017

Op zaoterdig 11-11 is de meule aangezjwingeld door de nuje Mulder: Mulder Marc I (Marc Joosten)! Det beteikent ouch det nao ’t losse van de 11 knónssjeut ’t vastelaovessezoen 2017-2018 ein feit is en det ónger ’t mótto "Det kèn op ’n tegelke". Perfisiat aan Mulder Marc I vanoet de Hopsjlokkers! Haaj die meule drejjend toet aan asgoonsdig. Ouch ein dank aan femielie Tegels veur de mitwirking en ’t aope haje van De Plevuus!

Bekiek hiej de grotere verzie van de foto

In memoriam: Henk vanne Plevuus

 

15 oktober 2017

Eine sjone onvergaetelikke kaerel in ’t meist markante kefee van Zjwame en omsjtreke. Mit de vastelaovindj, mer natuurlik ouch dao boete höbbe veur väöl plezeer gehad biej dich. Bèste Henk, veur zólle dich misse.

Bekiek hiej de grotere verzie van de foto

Oetsjlaag Zjwamer Optoch 2017

 

02 meert 2017

De oetsjlaag van de optoch is geplaats. Deze is te vinje ónger de Aktiviteite pagina biej ’t óngerwerp Optoch. Tiedes de optoch is d’r ouch eine groep gewaes dae drök in de weer is gewaes mit ’t vasligke van miense naeve de kantj. De foto’s höbbe veur op ós site geplaats. Kiek biej "Luuj naeve de optoch" of geur uchzelf truuk zeet.

Bekiek hiej de grotere verzie van de foto

Vader Aar 2017

 

13 fibberwarie 2017

Op zaoterdig 11 fibberwarie is tiedes ein drök bezóch Aartjesbal de nuje Vader Aar 2017 oet ’t keldersgaat gekraope! Roger Winants zal dit jaor es Vader Aar de scepter zjwejje euver ’t Aartjesriek en veur zólle ’m óngetwiefeld euveral taenge kómme in de kómmende waeke. Veur winse Vader Aar Roger van herte perfisiat!

Bekiek hiej de grotere verzie van de foto

Kómmedeursorde veur Eef Julicher

 

05 fibberwarie 2017

Op zaoterdig 4 fibberwarie is Eef Julicher tiedes de Bóntje Aovindj benump toet Kómmedeur van de Zjwamer Hopsjlokkers. Vólgend jaor besjteit Sillen & Co 100 jaor. Dit jaor besjtaon ze echter 9x11 jaor en det woor veur de Hopsjlokkers raeje genóg óm Eef en zien vrouw Alie ’ns efkes in de sjienwerper te zitte. ’t Bedrief Sillen & Co verzórg al jaore de kómmedeursordes en Nepomukóngersjeijinge, mer ouch de wieke van de meules van Prins, Vors en Sirremoniemeister. Ouch aan ’t kunswerk van de Hopsjlokkers höbbe ze ein groot aandeil gehad. Diek verdeend dus. Eef en Alie, vanoet de Hopsjlokkers winse veur uch van herte perfisiat!

Bekiek hiej de grotere verzie van de foto

Prinsepaar Erpelkes 2017

 

05 fibberwarie 2017

Op zaoterdig 4 fibberwarie is ’t nuje Erpelkes Prinsepaar oetgerope in ein gezellig drök Erpelepelies sjteeg de sjpanning. Eers waerde ’t Prinsepaar van ’t veurig jaor (Bastiaan en Fenna) geinstalleerd es ’t nuuj vorstepaar. Daonao waerde ’t hele sjpel van ’t oetrope door häör gesjtart en toen de sjpanning toet ein hoogtepuntj kwoom, waerde dao Prins Joey en Prinses Jule oetgerope toet ’t Erpelkes prinsepaar van 2017! Ein diek perfisiat van de Hopsjlokkers en gaer toet de vastelaovindj in ’t Erpele pelies!

Bekiek hiej de grotere verzie van de foto

Agenda


Bacchus resepsie

19 jannewarie 2018
Café-Zaal 't Kesjotje
20.00 oer

Prins/prinses oetrope

20 jannewarie 2018
Zaal De Mert
14.00 oer

De Sjo

20 jannewarie 2018
Gemeinsjapshoes De Robijn
18.30 oer

Aartjesbal

27 jannewarie 2018
Café Restaurant Maaszicht
20.00 oer

Prinseresepsie

28 jannewarie 2018
Zaal De Mert
16.00 oer

Prinseresepsie

03 fibberwarie 2018
Café-Zaal 't Kesjotje
20.00 oer

Prinseresepsie

04 fibberwarie 2018
Harmoniezaal Soranus
14.11 oer

Sjleuteleuverdrach

10 fibberwarie 2018
Gemeintehoes Remunj
Tied nag ónbekènd

Vastelaovindj 2018

11 fibberwarie 2018

 

Mertsjpektakel

11 fibberwarie 2018
Oppe Mert
13.30 oer

Boekoelse Optoch

11 fibberwarie 2018
Boekoelse landj
14.33 oer

Zjwamer Optoch

12 fibberwarie 2018
Door gans Zjwame
meer info vólg

Thema Aovindj

12 fibberwarie 2018
Harmoniezaal Soranus
20.30 oer

Vastelaovindj 2018

12 fibberwarie 2018

 

Vastelaovindj 2018

13 fibberwarie 2018

 

Boerebroelof

13 fibberwarie 2018
Zaal De Mert
14.11 oer

Halfvaste

10 meert 2018

 

 

Prinsepoele


Óm mit te poele kènt geur terech biej Sjoerd Cordang, Bosstraat 30 of tiedes aktiviteite biej Jens Sampers. Gaef de naam op van uch zelf en de naam en gewich van degene wo geur van dink det d'r prins waert. Ein van dees here is ouch meistal waal d'r biej es d'r get te doon is, dus genóg gelaegenheid óm te poele! Poele kós eine euro en de winnaar krieg eine sjone pries. De res van 't geldj geit nao ein good doel.

D'r is in totaal 251 gesjtump!!

Flor van den Groenendal
21.12%

Kai Custers
8.76%

Wouter Reijnders
7.57%

Maik Peters
7.17%

Siem v.d. Linden
4.38%

Sjoerd Cordang
4.38%

Mario Vogelaar
2.79%

Sten Tegels
2.39%

Sjico Geraedts
1.99%

Jens Sampers
1.99%

Dominique Clumpkens
1.99%

Bas v.d. Linden
1.59%

Gordon Winands
1.59%

Marcel Hendrikx
1.59%

Dick Evers
1.59%

Gwen Tegels
1.59%

Frank Wille
1.2%

Joes Kierkels
1.2%

Jelle Daems
1.2%

Robert van Keeken
1.2%

René Bour
0.8%

Luuk Cuijpers
0.8%

Noud Cluitmans
0.8%

Lou Lemmens
0.8%

Roy Beurskens
0.8%

Ruud Verhaegh
0.8%

Mark Heijman
0.4%

Remco Janssen
0.4%

Sjors Trepels
0.4%

Berry Teven
0.4%

Koen Manders
0.4%

Charles Konings
0.4%

Harry Moris
0.4%

Bram o.d. Camp
0.4%

Robert Kessels
0.4%

Thuur Tegels
0.4%

Erik Peeters
0.4%

Edwin Stevens
0.4%

Wouter Boonen
0.4%

Siem Crompvoets
0.4%

Lieke op den Camp
0.4%

Fons van Lilian van Kapsalon Martin
0.4%

Thuur Crompvoets
0.4%

Serge Giesbertz
0.4%

Shirly Pie
0.4%

Erik Brouns
0.4%

Roel Geujen
0.4%

Kevin Verheijen
0.4%

Roy Smeets
0.4%

Patrick Brouns
0.4%

Silas Roumen
0.4%

Bart Geraedts
0.4%

Jesse Ronckers
0.4%

Leon Hendriks
0.4%

Menne van Heijster
0.4%

Tim Geraedts
0.4%

Roy Zanders
0.4%

Thijs Timmermans
0.4%

Ron Sillen
0.4%

Richard Beek
0.4%

Mitch Crompvoets
0.4%

Peter Trepels
0.4%

Hans Konings
0.4%

Rietje Geraedts
0.4%

Leon Willems
0.4%

Misha Thissen
0.4%

Duoprins Jack en Embert
0.4%

Max Verstappen
0.4%

El Coulen
0.4%

Ger Coulen
0.4%

Luc Janssen
0.4%